ZER IKUSI
Ibilbide bat itsaslabarretatik: Galea eta Aixerrota.
Ibilbide bat itsaslabarretatik: Galea eta Aixerrota.
Galeak, Getxoko kostaldean dagoen pasealekua da, eta, bertatik, Abrako Portuko bista panoramikorik ederrenak daude. Zona osoak antzekotasun handia du Frantziako Normandiako gres zuriko labarrekin eta ingalaterrako Doverrekoekin. Bertokoentzako eta bisitarientzako aisiarako gune honek natura-espazio zabalak ditu, naturaz gozatzeko.
Galeako ibilbide honetan aurkituko ditugu guneko turismo-gunerik interesgarrienetako bi: Aixerrota eta Galeako gotorlekua. Kostaldeko leku estrategikoetan daude, eta biak dira XVIII. mendeko eraginak. Horien ondoan, Andra Mari eliza, faroa edo Carmengo Amaren Hilerria daude, eta Getxoko itsaslabarretatik egin beharrekoa den ibilbide honetan ikusiko ditugu.
Interesguneak
Honako hauek dira gunean ikus daitezkeen interesgune batzuk.
-
Aixerrota: Errota hau XVIII. mendeko lehorte handi baten ondorioz sortu zen. Getxon egin ziren errota guztietatik, hau da gaur egun dagoen bakarra. Bi urte behar izan ziren martxan jartzeko; 1726tik 1727ra, eta hura eraikitzeko kausek iraun bitartean iraun zuen martxan. Azkenik, 1787an erabiltzeari utzi zitzaion.
-
Carmengo Amaren Hilerria: Estilo neoklasikoko hilerri hau, Fidel Iturria arkitektoak asmatua 1903. urtean, Getxoko herritarrak lurperatzeko espazio berriaren beharrei emandako erantzunaren ondorio izan zen. Hilerriaren ordutegia: 09:00-18:00.
-
Andra Mari Eliza: Eliza honetan sortu zen Getxoko herritarren lehen nukleoa, XII. mendean. Zeregin nagusietako bat Udalaren bilera-zentroa izatea izan zen, elizako atarian, harrizko mahaiaren inguruan; oraindik mantentzen da mahai hori. Eraikuntza nagusitik –XII. mendekoa–, zenbait hondar erromaniko baino ez dira kontserbatzen. Geroago, XVIII. mendean, Juan de Bordak berreraiki zuen, Bizkaiko estilo barroko tipikoarekin. Neguko ordutegia: Larunbat eta bezperetan: 19:00. Igande eta jai egunetan: 11:00, 12:30. Udako ordutegia: Larunbat eta bezperetan: 19:00. Igande eta jai egunetan: 12:00.
-
Galeako gotorlekua: XVIII. mendeko gotorlekua da, Bilborako merkataritza-trafikoa defendatzeko eraikia. Mende horretako eraikuntza militarreko eredu bakarra da Bizkai osoan kontserbatu dena egun arte. Bere diseinua Jaime Sycre ingeniariaren eskutik izan zen, eta obrak 1742an hasi ziren.
-
Galeako itsasargia: Galeako lehen itsasargia XVIII. mendekoa da, 1782. urte ingurukoa. Antzina, leku horretan, su handiak egiten zituzten, portuko sarrera adierazteko, eta baleak ikuskatzeko leku zen. Egungo itsasargia 1950ean inauguratu zen.
-
Gorrondatxe/Azkorri hondartza: Hondartza honetan, “urrezko iltzea” dago; bereizgarri hori estratigrafiaren munduan bitxitasun eta ezaugarri bereziko lekuei ematen zaie.
-
Barinatxe/La Salvaje hondartza: Hondartza hau, itsaslabarren pean dagoenez, parapentean ibiltzeko ohiko lekua da. Gainera, hondartza honek surf egiteko beharrezko baldintzak ere baditu.
Ibilbideak eta distantziak
- Aixerrota – karmengo Amaren Hilerria - Andra Mari Eliza: 1.184m
- Aixerrota - La Galea Gotorlekua: 1.240m.
- La Galea Gotorlekua - Azkorri/Gorrondatxeko hondartza: 3.170m.
- Gorrondatxeko/Azkorri hondartza - Barinatxe/La Salvaje hondartza: 1.190m.
Honekin lotutako beste bisita, plan eta esperientzia batzuk
- Azkorri, liluratzen duen hondartza: Ibilbide geologiko honetan sakon ezagutuko dituzu interes geologiko handieneko guneetako baten ezaugarriak, eta gauza harrigarri eta aipagarri horien artean Euskadiko historiari buruzko sekretu oso berezia gordetzen duen harea beltza nabarmentzen da.
- Gaueko Flysch-a: Murgildu zaitez gauaren iluntasunean, Gorrondatxe/Azkorri hondartzaren inguruaren historia geoligikoa ulertzeko.
- Hipika: Zaldiaren mundu liluragarriarekin zerikusia duen guztia ikasi eta goza ezazu diziplina orotan. Zaldiketa, heziera, salto ikastaroak eta poniclub txikienentzat.
- Flysch-a familian: Helduek, umeek eta familiek parte hartu dezaketen tailerrak dira. Gorrondatxe hondartzari buruzko gauza batzuk ikasiko dira: geologia, ingurumena, zientzia eta dibertsioa.
- Ibilbide geologikoa Getxoko Flyschean: Oinezko ibilbide gidatua. Geologian aditua den gida baten laguntzarekin, gertutik aztertuko da Getxoko Flyscha. Hala, ukitu egin ahal izango da eta eremuko zenbait froga eta esperimentu egingo dira.
- Hegaztien begiratzea La Galean: Getxoko kostaldean egiten den ibilbide gidatu zirkularra da, eta helburua hegaztiak ikustea eta entzutea da.
Deskargatu:
Deapie Amalurra: Ibilbide geologikoa. Nola eratu ziren Galea eta bertako hondartzak.
Deapie Fidel Iturria: Bizkaiko hileta ondare garrantzitsuenetako ezagutzeko ibilbidea.
Kokapena eta nola heldu
 |
Bidezabal metro-geltokia. Bi kilometrotara, oinez, Galea pasealekura heltzen da. |
 |
Zenbait autobus-linea daude gure helmugara heltzeko. |
 |
BI-637 errepidea, "Avanzada" Jarraitu N-637 eta BI-637 errepideetatik, Errotatxu industrialderantz. Hartu Getxo/Berangoko irteera, BI-637 errepidetik. Jarraitu Errotatxu industrialdetik. Hartu Ormaza Estrata, Gabriel Ramos Uranga Kalea, Peña de Santa Marina Kalea eta Itsasargi Errepidea Galea Errepiderantz. |
