Elkarteetzako zerbitzuak

Aurkezle euskaldunen zerbitzua

Jasotzaileak:

• Euskara Zerbitzuak aurkezle euskaldunak eskaintzen dizkie GETXOKO elkarteei jendaurreko ekintzetan euskararen presentzia eta euskararen kalitatea bermatzeko.
• Elkartea izan barik, zerbitzu hau erabili ahalko dute GEHI hitzarmena izenpetu duten bestelako erakundeek.

Zerbitzuaren nondik norakoak:

• Udalak aurkezle euskalduna ipiniko du beti eta Getxoko elkartea-erakundea bada eta elkartean edo erakundean horretarako gai den inor ez badago.
• Ekintza publikoa izatea.
• Ekitaldia Getxon egitea
• Erakundeak aurkezpenaren aurretik aurkeztu beharrekoaren gidoia prestatzea.
• Aurkezpena euskara hutsez edo ele bietara egin ahal izango da. Ele bietara egiten bada, BETI, euskarari lehentasunezko tratua emango zaio: lehenengo euskaraz eta gero gaztelaniaz, euskaraz eta laburpentxo bat gaztelaniaz edo antzeko moduren bat erabilita.
• Ezin izango da zerbitzu hau interpretazio zerbitzuarekin batera erabili.

Prozedura

Elkarteak eskaera IDATZIA egingo dio Udalari eta eskaeran honako xehetasun hauek emango ditu:

Eguna, ordua, tokia

Aurkezpena zertan datzan: gaia, gidoia...

Iraupena

Harremanetarako pertsonaren izena eta telefonoa

Ebaluazioa eta kalitatea :

• Aurkezleak aurkezpena egiten duen bakoitzean kalitate fitxa bat bete beharko du egiten diren aurkezpenetan kalitatea bermatu eta detektatu daitezkeen hutsuneak aurreikusteko.
• Era berean, aurkezlea eskatzen dutenek ere antzeko fitxa bat bete beharko dute aurkezlearen lana baloratzeko

Oharrak :

• Kasu oso berezietan edo aurkezpen mota hauetan sartzen ez diren aurkezpenen kasuan Euskara zinegotziak erabakia hartzeko ahalmena izango du.
• Aurkezle zerbitzuaren eskaerak, hurrenkerari jarraituz bideratuko dira, aurrekontu-partida dagoen bitartean.

Errotuluak euskaraz ipintzeko

Informazio gehiago: hemen

Materialak euskaratzeko eta itzulpen zerbitzua

MATERIALAK EUSKARATZEKO ITZULPEN ZERBITZUA : gehi@getxo.net

Jasotzaileak:

• Herriko elkarte eta taldeak
• Herriko denda eta establezimenduak.
• Orokorrean, establezimendua, egoitza edo denda kalean duten eta hizkuntza paisaian eragin nabarmena duten saltokiak, bulegoak eta bestelakoak, adibidez, lanbide liberalak, autonomoak. Kanpo geratzen dira finantza erakundeak, enpresa handietako ordezkaritza-bulegoak eta antzekoak.

Eskainitako zerbitzuak:

• Itzulpen zerbitzua (elkarteak inor ez badu).
• Euskarazko testuen zuzenketa.

Zerbitzuaren nondik norakoak:

• Euskara Zerbitzuak  gehi@getxo.net helbide elektronikoa ipini du martxan zerbitzu hau erabili nahi dutenentzat. Erabiltzaileek zerbitzu honetara igor dezakete itzultzea nahi duten testua eta itzulpena ere posta elektronikoaren bidez jasoko dute.
• Zerbitzua doakoa da.
• Erabilpen partikularretarako direnak ez dira itzuliko.
• Erabiltzaileak posta elektronikoz bidaltzerik ez balu, ahal dela, testua ordenagailuz edo idazmakinaz idatzita bidaltzea eskatzen dugu.
• Euskara Zinegotziak, kasu berezietan edo oinarri hauetan jasotzen ez den kasuren batean erabakiak hartzeko ahalmena izango du.
• Diru-laguntzak, erregistroaren hurrenkerari estuki jarraituz abonatuko dira, aurrekontu-partida dagoen bitartean.

Aldibereko interpretazio zerbitzua

Zer eskaintzen da

• Aldibereko interpretaziorako azpiegitura
• Aldibereko interpretaria

Hartzaileak

• Zerbitzua, Getxon egoitza soziala edo ohiko zerbitzua eskaintzen duten kirol talde, haurtzaindegi, ikastetxe, parrokia eta elkarteentzat da (kultura, kirola, boluntariotza elkarteak, lankidetza edota bestelako elkarteak).
• Eskaintza, ekitaldi jendetsuetarako dago pentsatuta; 20-25 pertsonatik gorako batzar orokorrak, hitzaldiak, topaketak, urteko bilerak eta antzekoak.
• Itzulpena, euskara-gaztelera/gaztelera-euskara izango da.
• Interpretariaren Zerbitzua eta azpiegiturarena bata besteagandik independienteak dira. Erabiltzaileak eskatu ahal du bata, bestea zein biak.
• Eskaintza honetatik kanpo geratzen dira jaiak eta ospakizunak (ezkontzak, jaialdiak...), antzerkiak
• Ez da zerbitzua eskainiko egun bi (2) baino gehiagoko ekitaldietarako.
• Udalerriko hizkuntza normalkuntzarako bereziki mesedegarria izan ahal den ekitaldiren bat zerbitzu honen barruan garatu ahal izango da zinegotziaren baimenarekin, nahiz eta hemen jasotako baldintzak ez bete.

Baldintzak

• Zerbitzua erabili ahal izateko honako baldintza hauek bermatzen direla ziurtatu beharko da:
• Eskainiko den zerbitzua, leku estalian garatuko da.
• Interpretariaren kabina jartzeko lekua, argitsua izango da, kable bidezko konexioak erraz egiteko moduan izango ditu eta interpretariak hizlaria ondo ikusteko aukera izan beharko du.
• Zerbitzua eskaini edo publizitatea egiten denean, Udalaren logoa jarri beharko da toki ikusgarriren batean
• Getxoko Udaleko Euskara Zerbitzuak zerbitzuaren %67 ordainduko du eta antolatzaileek gainontzekoa.
• Ez da erabiliko hizkuntza normalkuntzaren kontra edo honekin bat ez datozen jardueretarako

Alcance

Si la entidad solicitante del servicio es una asociación del municipio abonará el 33% del coste del servicio.