2025/1/21
Udalak Mayor kalea erdi oinezkoentzat bihurtzeko 2. faseko obrak hasi ditu, bai eta Maximo Agirre kalean Bulebar berdea sortzekoak ere, biak Areetan. Eduardo Coste kalean Getxo eta Bilbo bizikletaz lotzeko laster zabalduko den bidegorriko lanei gehitzen zaizkie. Ekonomia suspertzeko Europako “NextGenerationEU” funtsetatik jasotako 3.053.640 euroen bidez finantzatutako hiru obrekin, Getxok aurrera egingo du mugikortasun jasangarria sustatzeko eta oinez eta bizikletaz egindako joan-etorriak sustatzeko.
Obrek dirauten bitartean, Mayor eta Máximo Aguirre kaleetan bi informazio-modulu izango dira (bigarren kalekoa laster ipiniko da). Horietan, pertsonek nahi dituzten kontsultak egin ahal izango dituzte: trafikoaren eraginak, proiektuaren xehetasunak…, goizez eta arratsaldez.