Berriak

Gidari bat atxilotuta

2018/11/05

Gidari bat atxilotuta alkohol-tasa laukoizteagatik

Getxoko Udaltzaingoak gidari bat atxilotu zuen igande goizaldean, azaroak 4, bide-segurtasunaren aurkako delitu bat egotzita, autoa gidatzeagatik baimendutako alkohol-tasa gaindituta.

Atxiloketa 06:45ak aldera izan zen, Areetan zirkulazio istripua egon zela jakin ondoren. Bertaratu ziren agenteek ikusi zuten auto bat errepidetik irten zela eta, hainbat trafiko seinale apurtu ostean, zuhaixka batzuen kontra bete-betean jo zuela.

Gidariari, 19 urteko emakumezkoari, alkoholemia-proba egin zioten eta bertan 1,05mg/l-ko emaitza eman zuen, hau da, legeak baimendutakoa baino lau aldiz handiagoa; horregatik bide-segurtasunaren aurkako delitua egotzita, atxilotu egin zuten. Gainera, anbulantzia bat eskatu behar izan zuten autoan zihoan beste bidaiari batek zauri arinak jaso baitzituen.

Ikerketarako polizia-eginbideak ari dira egiten, Getxoko Guardiako Epaitegira bidaltzeko.

Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +