Berriak

Getxoko Udaltzaingoak

2018/03/21

Getxoko Udaltzaingoak istripuaren iruzurraz ohartarazi du

Getxoko Udaltzaingoak herritarrei ohartarazi nahi die gure udalerrian azken egunotan gertatutako iruzur batez, hain zuzen istripuaren iruzurra izenaz ezagutzen denaz. Iruzur hori honetan datza: ibilgailu batean kalteak sufritu izanaren itxura egitea, beste batekin talka egin izanaren ondorioz.

Gertaera hasten da pertsona batek gidari batengana jotzen duenean (gehienetan pertsona nagusi bat) eta esaten dionean bere ibilgailua urratu duela eta kalte txikiak eragin dizkiola atzerako ispiluan edo antzekoan–biktimaren autoan eta iruzurgilearenean ere urratuak erakusten dizkio aldez aurretik gaizkileak gomazko tramankulu edo antzeko batekin egin dituenak, ostean garbitu ahal izateko modukoak-. Ondoren, gaizkileak bere burua eskaintzen du izapideak egiteko ustezko kalte-eragilearen aseguru-konpainiarekin, eta horretarako iruzurgileak bere telefonoa erabiltzen du eta, sinesgarriagoa izateko, konpainiako ustezko operadorearekin hitz egiten ere uzten dio.

Jarraian, gaizkileak dio konpainiak eskatzen diola   erangindako kalteen ordainketa aurreratzeko (1000euro gutxi gorabehera) eta biktimak eskatutako kantitatea aurreratzen du, gaizkileak egindako telefono-deia benetakoa delako ustean. Ustekabe desatsegina dator biktima bere aseguru-konpainiarekin kontaktuan jartzen denean eta esaten diotenean bertan ez dutela dei horren berri.

Hori dela eta, Getxoko Udaltzaingoak herritar orori eskatzen dio istripu baten aurrean ez egiteko inolako ordainketarik aldez aurretik, eta, zalantzarik izatekotan, Udaltzaingoari deitzeko, haiek egin ditzaten dagozkion izapideak.

Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +