Berriak

Punta Galea Challenge

2018/10/05

Punta Galea Challenge surf txapelketarako itxarote-epea zabalduko da

Urriaren 15etik martxoaren 31ra irekita egongo da 13. Punta Galea Challenge surf txapelketaren itxarote-denbora, Imanol Landa alkateak, antolatzaile eta babesleek gaur goizean prentsaurrekoan jakitera eman dutenez. Alkateak adierazi duenez, “iaz, -Nazioarteko Ligatik atera eta txapelketaren lehenengo urteetako izpiritua berreskuratzeko erabakia hartu ondoren-, kirolarien eta publikoaren aldetik izandako arrakastaren ondoren, edizio honetan, beste behin, modalitateko surflari onenek parte hartuko dute, bertakoek nahiz nazioartekoek”.

Txapelketak Nazioarteko Surf Ligatik jasotako formatuari eutsiko dio, txapelketako zuzendari teknikoa den Jokin Arroyok aipatu duenez, “Punta Galeak helburu bat bitauka, bertako surfa hobetu, bere erakusleiho izan eta indartzea”. Era horretan, hasieratik 24 surflarik, horien erdiak euskaldunak, hartuko dute parte, 4 ekitalditan banatuta, eta onenak finalerdietara eta finalera igaroko dira. Getxoko txapelketara ziurrenik etorriko diren faboritoen artean, honako hauek bezalako rider handiak daude:  Hego Afrikako Twiggy Baker, Estatu Batuetako Nic Lamb (txapelduna  azken bi ediziotan), Australiako Jamie Mitchell eta Natxo González euskal surflaria. Plentziko surflariarentzat Galeakoa txapelketa oso berezia da. “Uste dut aurten, alisioak eta hazizeak satuta dauden moduan, aukera handiak daudela Galean aurtengo txapelketa izugarria izan dadin”, aurreikusi du.

Antolakuntzaren barruan, Getxo Surf bertoko kluba, Euskal Herriko Surf Federazioa eta Getxo Kirolak daude, eta horien helburua da itxarote-denborako hilabeteetan egun egokiena aurkitzea; hau da, indar handiko olatuak eta 5-7 metro arteko altuerakoak. Eguna iritsitakoan, 24 lehiakidek 18.000 € jokatuko dituzte saritan, iazkoaren kopuru bikoitza, eta Europako olatu handien txapelketa ospetsuenaren eta urtetsuenaren palmaresean sartzeko ohorea ere.

Aurreko urteetan bezala, segurtasun-dispositiboa eta dei alertak mantenduko dira olatuen iragarpenak baldintza egokiak iragartzen dituenean. Era horretan, alerta horia ezagutzera emango da 5 egun lehenago eta esperotako alerta berdea ekitaldia baino 3 egun lehenago. Eguna iritsitakoan, Getxo Kirolak-ek publikoaren esku jarriko du Bidezabaleko metro-geltokia Galearekin lotzeko autobusa.

Surfa, ekonomia sortzeko aukera-eremua

Azkenik, alkateak nabarmendu du Udala (Sustapen Ekonomikoaren, Kultura Gelaren eta Getxo Kirolak-en bitartez) egiten ari den lana, “Punta Galea Challenge-k, ekitaldiaren egunaz haratago, presentzia izan dezan urteko gainerako egunetan eta surfa kirolaren, kulturaren eta ekonomiaren ikuspegitik sustatzen lagun dezan. Modu horretan, kontuan hartuta lehiaketaren ospea eta Getxok eta Uribe Kostak duten posizionamendu ona kirolari dagokionean, erakundeak eta sektoreko agente ezberdinak horretan arreta jartzen ari gara ekonomia sortzeko aukera moduan”, aipatu du Landak.

Horren harira, gaur Punta Begoñan ikus daitekeen erakusketa, Punta Galea Challengeri buruzko argazki eta surf-ohol erakusketa, jarduera-programa baten luzapena da. Programa horren helburua da gorantz doan sektorea, gure udalerrian hain sustraitua dagoen surfa, bultzatzea. Jarduera-programaren berri emango da zehaztuta dagoenean.

Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +